Sana Noon Pa

Sana noon pa, pag-ibig mo ipinadama,
Sana noon pa, pagmamahal ipinakita
Di sana’y ikaw ang kapiling sa twina.
Kung kelan di na pwede…
Kung kelan lipas na panahon  para sa ‘tin
Saka pa nalamang mahal kitang talaga.

Sana noon pa, halik mo’y idinampi,
Sana noon pa, yakap mo’y nadama
Kung pwede lang sana, inangkin na kita.
Kung pwede lang sana di ka na pakakawalan pa.
Pagmamahal na nag-uumapaw,
Nasa isip ay laging ikaw.